Општина Центар и Еснафот на старата скопска чаршија потпишаа меморандум за соработка со цел заеднички да делуваат во јакнење на меѓусебните односи, заеднички настап и за подобрување на условите за работа на занаетчиството.
Општина Центар, претставувана од градоначалникот Саша Богдановиќ и претставникот и советникот од Еснафот Мухамед Љамалари на заедничката средба договорија промовирање на занаетчиството и заживување на чаршијата преку заеднички проекти и активности.
Нагласена е потребата за ревитализирање и осовременување на инфраструктурата на старата скопска чаршија, редуцирање на бариерите и отворање на нови можности за соработка.
Сето ова ќе го поттикне зближувањето и доближувањето до заборавените културни вредности и единство на различностите, избалансиран развој на општината, како и зачување на традицијата и културана на старата скопска чаршија, соопштуваат од Општина Центар.
Со ова се реализира договорот, постигнат во изборниот период за соработка меѓу Еснафот и општина Центар.