Петнаесттина припадници на единицата„алфи“ и уште толку униформирани полицајци вчера ги опколиле активистите на СДСМ кои делеле флаери за претстојниот референдум за ГТЦ, а МВР рано утрово им поднела прекршочна пријава за нарушување на јавниот ред и за загрозување на чистотата на градот, соопшти на прес конференција, Саша Богдановиќ , претседател на општинскиот одбор СДСМ Центар.
Според Богдановиќ, активистите на СДСМ, цели три часа, биле држени во полициска станица.
„Јанкулоска, која слушнавме дека е министер на ВМРО-ДПМНЕ, а не на МВР, поднела повеќе прекршочни пријави против активисти што делеле пропаганден материјал, што е апсурд во која било минимум демократска земја“, посочи Богдановиќ.
За овој настан, активистите имаат и видео материјал, кој ќе го објават во текот на денот.