Градоначалникот на Штип, Благој Бочварски денеска се сретна со унгарскиот амбасадор Ласло Иштван Дукс. На средбата се разговараше за економската соработка меѓу двете земји.
– Разговаравме за потенцијални унгарски инвестиции, коишто може да ги има во Општина Штип, бидејќи Унгарија во претходните години постојано ја зголемува трговската размена и инвестициите во Република Македонија. Ние сме отворени и сакаме да соработуваме со секој странски партнер, земја којашто ќе дојде, ќе инвестира средства и ќе отвори нови работни места со пристојни плати во Република Македонија, рече Бочварски.
Тој додаде дека го запознал амбасадорот со политичката состојба во Македонија, а разговарале и за воспоставувањето нови демократски принципи во Македонија.