Во редакцијата на А1он пристигна реакција од дел од жителите на Крива Паланка.
„Со самото доаѓање на зимата и паѓањето на првиот снег, во Крива Паланка се повторија ланските проблеми кои ги почуствуваа многу кривопаланчани а како последица од неможноста на градоначалникот да се справи со чистење на замрзнатите улици. Скептичноста на граѓаните на Крива Паланка дека и оваа година нема да биде ништо поразлична туку и полоша од минатата во однос на чистењето на снегот е како последица од самиот избор на фирмата која го доби тендерот а тоа е Мијоли ДООЕЛ“, се жалат граѓаните.
Повеќето граѓани кои А1 он ги контактираше велат, самото име на фирмата кажува се, Крива Паланка е мал град и тука се се знае, сите знаеме, велат, зошто оваа фирма го доби тендерот за зимско оддржување на улиците во градот и пред самиот крај на мандатот на сегашниот градоначалник истата фирма покрај другите дејности и добиени тендери од овој градоначалник, решила да се занимава и со овој бизнис, потенцираат кривопаланчани.
Но она што ги загрижува граѓаните на оваа општина е тоа што според нивни тврдења зимското оддржување на улиците во Крива Паланка во моментот се врши со нерегистрирани возила за кои сите знаат а полицијата не презема ништо, па истите прашуваат ако може за обичните граѓани секојдневно да летаат најригорозни казни во сообраќајот, зошто тогаш некои бизнисмени блиски до власта и градоначалникот се недопирливи, односно се над законот?