Во ЕУ Инфо Центарот во Скопје амбасадорот Самуел Жбогар денеска додели благодарници на учениците и директорите од неколку скопски средни училишта кои учествуваа во новогодишната програма на Градскиот плоштад „ЕУ за ТЕБЕ“.
Благодарници им беа врачени и на младите натпреварувачи по уметничко лизгање кои го отворија лизгалиштето “ЕУ за ТЕБЕ”.
Од Делегацијата на ЕУ во Скопје најавуваат дека во наредниот период, амбасадорот Жбогар ќе оствари посети во средни училишта низ државата.
Инаку, програмата „ЕУ за ТЕБЕ“ беше дел од Новогодишната програма ‘Винтерленд’, што прв пат беше организирана под патронство на Делегацијата на Европската Унија.