М.С.(53) од Прилеп вработена како благајник во „Комерцијална банка“ , во филијалата во Прилеп доби кривична пријава за сторени кривични дела „злоупотреба на службената положба и овластување“, „оштетување и неовластено навлегување во компјутерски систем“ и „фалсификување исправа“.
Пријавената ги пречекорила своите службени овластувањата за пристап во информатичкиот систем на банката на 14.09.2012 година, кога без да поседува налог и барање за исплата на пари од лице од Прилеп, сопственик на девизна штедна книшка во Комерцијална банка, го обезбедила бројот на неговата сметка и во два наврати извршила трансакции за исплата на парични средства.
Така таа ја олеснила неговата сметка за 12.000 евра, кои противправно ги присвоила, а на налозите за извршени трансакции се потпишала во име на сопственикот на книшката.