Претставници на бизнис заедницата денеска се запознаа со примената на супер-компјутерот во науката и во индустријата на Факулттот за информатички науки и компјутерско инжинерство (ФИНКИ).
Супер-компјутерот чини милион евра, а е изработен од страна на тимови од ФИНКИ и компаниите Неоком и HP. Тој е веќе поставен во Лабораторијата за пресметување со високи перформанси на факултетот.
– Убеден сум дека овој суперкомпјутер повеќе ќе го користат компании кои се надвор од секторот информатички технологии и комуникации, пред се хемиската индустрија, сеизмологијата, земјоделството, медицината, како сектори на кои што им е потребен ваков суперкомпјутер за да можат да направат модели и претпоставки за нови бизнис решенија – истакна министерот за информатичко општество и јавна администрација, Иво Ивановски.