Во работна посета на Виница престојува бизнис делегација од градот Киелце,Полска која денеска беше примена од градоначалникот на опшптина Виница Емил Дончев.
За Општина Виница, нагласи градоначалникот Дончев, посетата е од особено значење бидејки веќе се воспоставени стопански релации на неколку капацитети од Виница.
– Во СОУ„Ванчо Прке“ полската делегација понуди опремување со машини за машинската работилница во училиштето, а во компанијата „Макпрогрес“ за пласман на производи на полскиот пазар, истакна градоначалникот Дончев.
Томас Бугоцки, претседавач на Советот на општина Киелце, информира дека понудиле бизнис осработка во областа на прехранбената и месната индустрија, градежништвото и пласманот на вино.
– Ние сме воодушевени од вкусот на македонското вино и на историските споменици за што ќе понудиме и неколку туристички посети на Виничкиот крај со богатите знаменитости, посебно Виничкото кале каде се пронајдени виничките Теракотни икони, истакна Бугоцки.
Полската делегација ги посети Виничкото кале, Музејот Теракота како и Здравствениот дом во Виница.