Битолчанецот Тони Гулевски (45) го загуби животот во тешка сообраќајна несреќа што синоќа се случи на превојот Ѓавато, на патниот правец Битола-Ресен.
Од СВР-Битола соопштуваат дека Гулевски го загубил животот возејќи го својот мотор марка „Дукати“ и директно се судрил со патничко моторно возило марка „Мерцедес 290“ управувано од Б.К. (47), жител на селото Вевчани.
– Во сообраќајната несреќа битолчанецот Гулевски починал на местото на несреќата, а смртта беше констатирана од лекар на итната медицинска помош од Битола. Денес се врши обдукција врз починатото лице, а паралелно се води и истрага за утврдување на причините за настаната сообраќајна несреќа, истакна Сања Стаматова, портпарол на СВР-Битола.
Тони Гулевски е познат на битолската спортска јавност како долгогодишен учесник и организатор на мото-трките во селото Братиндол.