39-годишниот Игор Андреевски загина во сообраќајна несреќа што се случила вчера, кога возилото, во кое се наоѓал, излетало од коловозот.
Според полицијата, возачот излетал 20-тина метри од возилото и на место загинал.
Во несреќата кај местото викано Долга нива, на патниот правец Прилеп – Витолиште, се повредени и двајцата негови сопатници. Тие, информира Гоце Јонзоски, од Итната медицинска помош се префрлени во прилепската болница.
Полиција и истражен судија извршија увид за да се утврдат причините за незгодата.
