Битиќи: Придобивките од Охридскиот рамковен договор се видливи

Од:

Добри меѓуетнички односи, социјална кохезија, недискриминација и толеранција, нивно имплементирање и континуирано практикување се основните постулати на Охридскиот рамковен договор кој денес одбележува јубилејни 20 години од неговото потпишување, се вели во писмената изјава на вицепремиерот за економски прашања Фатмир Битиќи. по повод 20 години од потпишувањето на Охридскиот рамковен договор.

dobivaj vesti na viber

– Сите луѓе во оваа земја заслужуваат да живеат достоинствено, да имаат еднакви права и слободи. Токму затоа е важен Охридскиот договор, бидејќи тој донесе нови можности за сите заедници, за сите луѓе еднакво да се вклучат во развојот на нашата земја. На него треба да гледаме како документ кој претставува основа за остварување на граѓанските права на сите граѓани, независно од нивната националност, и токму затоа сметам дека и понатаму треба напорно да работиме на неговото имплементирање. Затоа што тоа е правилно, и бидејќи е во согласност со современите европски вредности, кон кои тежнееме како општество. Една татковина, едно општество, за сите!, се наведува во соопштението.

Придобивките од Рамковниот договор, се посочува, се видливи.

– Донесени се голем број на закони, законски измени и дополнувања, од кои најголем дел се закони за недискриминација и правична застапеност, потоа во сферата на идентитет, култура, образование и децентрализација на власта, како начин за рамномерен економски развој. На овој начин се осигуруваме дека секој граѓанин ќе добие достоинствен живот бидејќи секој заслужува еднакви шанси, наведува Битиќи.

Охридскиот рамковен договор, додава, е рамка за меѓуетнички соживот, за рамноправност, заедништво и мултикултурализам.

– Иако не потсетува на воениот конфликт, истовремено испраќа порака истиот да не се повтори, и секогаш проблемите да се решаваат на мирен и достоинствен начин. На крајот, Охридскиот рамковен договор ги отвори вратите сите да се чувствуваат рамноправни и сите поддеднакво да се вклучат во развојот на оваа држава, се вели во писмената изјава на Битиќи.

Би можело да ве интересира

(ВИДЕО) Финансиска помош за инвестиции ќе добијат 280 компании

Горан Наумовски

Битиќи: Топлинската енергија во Скопје ќе биде испорачана навреме

Горан Наумовски

Битиќи: Од утре веќе треба да го впрегнеме цело знаење, умешност и мудрост

(ВИДЕО) Фатмир Битиќи: Пари има, луѓето да не се грижат за исплата на платите и пензиите

А1он

Битиќи и Лукаревска на Бизнис форум во Валандово: Заедно се справуваме со предизвиците

А1он

Битиќи: Растот на БДП е показател дека спроведуваме соодветни економски политики

А1он