Во избирачкиот список има премногу фантомски гласачи, без тој да се прочисти и без да се договорат реформите во медиумите не смее да има избори, изјави за А1он политичкиот аналитичар Мерсел Биљали.
Според него, Македонија се уште не е подготвена за избори бидејќи тоа не го дозволува ниту Избирачкиот список ниту медиумите, бидејќи според него, најголемиот дел од телевизиите цело време ја напаѓаат опозицијата.
– Изборите на 24 април се завршена приказна. Јас мислам дека треба да се поништи договорот од Пржино, да има целосно нов договор. Заев е во право што излезе од преговорите, не треба да учествува на криминални избори. Како што веќе слушнавме од прислушуваните разговори, власта има големи криминали, оваа гарнитура на ВМРО-ДПМНЕ не треба да се кандидира на следните избори, рече Биљали.
Тој додаде дека и самиот претседател на Државната изборна комисија кажа дека до 24 април не може да се прочисти избирачкиот список, а без прочистен избирачки список регуларни избори не може да има.
Александар Тодески