Едно од главните ветувања на Зоран Дамјановски при добивањето на вториот градоначалнички мандат беше решавање на проблемот за вода за пиење.
После четири изминати години, не само што овој проблем не е решен, општинското претпријатие ЈП Водовод кое менаџира со водата во градот е пред банкрот, со огромни долгови, изјави портпаролот на ВМРО-ДПМНЕ, Александар Бичиклиски.
„Одговорноста за состојбите на водоводното кумановско претпријатие не е само на директорот кој е инаку кумашин на Дамјановски, туку одговорноста е лична на Зоран Дамјановски кој со години го толерира а со тоа и одобрува ова недомаќинско работење.
– Зоран Дамјановски на своја лична совест носи 120.000 кумановчани кои имаат проблем со вода за пиење и тоа во 21 век. И покрај тоа што кумановчани плаќаат најскапа вода во Македонија од 48 денари по кубен метар, оваа јавно претпријатие никогаш не работело со добивка“, вели Бичиклиски.
