СДСМ и Бранко Црвенковски во приватизацијата која ја спроведоа, создаваа и толерираа криминал.
Класичен пример е Бајруш Сејдиу од Куманово, кој својата империја ја изгради со криминалот кој го правеше додека СДСМ беше на власт. Овој човек 15 години бил вмешан во секој поголем криминал кој се правел во Куманово. Ниту еднаш не беше чепнат од органите на државата. Требаше да дојдат нови политички гарнитури, свежи сили за да се санкционира криминалот на Бајруш“, рече на прес конференција портпаролот на ВМРО-ДПМНЕ, Александар Бичиклиски.
Според него, СДСМ не се спротивставила на „шерифското однесување на Бајруш во Куманово“, а оваа власт спровела детална истрага по што е осуден на 12 години затвор за организиран криминал, перење пари, насилство.
„Денес кога Бранко Црвенковски ќе отиде во Куманово нека им објасни зошто го толерираше криминалот на Бајруш Сејдиу? Зошто овој човек беше заштитуван и која беше користа на СДСМ од овој човек?
Бранко Црвенковки и СДСМ не само што затвораа фабрики и отпуштаа луѓе од работа, не само што незнаат да одговорат каде се трошеа парите во нивно време, не само што ги бркаа странските инвеститори туку очигледно е дека толерирле криминал. Е зошто било така, Црвенковски треба да им каже на кумановчани“, рече Бичиклиски.