За време на пречекот на Новата година синоќа, на плоштадот „Македонија“ во Скопје каде присуствуваа повеќе илјади граѓани, безбедносната состојба беше стабилна, без поголеми нарушувања на јавниот ред и мир и без поголеми инциденти, соопшти денеска МВР.
Регистрирани се помали нарушувања, како што е користење на разни пиротехнички средства од страна на непознати лица што и претходните години се случувало за времетраењето на прославувањето при дочек на Новата година на плоштадот. Други нарушувања на јавниот ред и мир или вршење на други казниви поведенија не се регистрирани.
За безбедното одржување на прославата од страна на СВР Скопје претходно бил изготвен План за обезбедување со конкретни мерки и активности кои би се превземале при евентуално нарушување на јавниот ред и мир врз основа на кој беа ангажирани соодветен број униформирани полициски службеници.