Дел од централното градско подрачје и делови од општина Карпош од попладнево се без парно греење поради губење вода во топлинската мрежа.
Компанијата „Балкан Енерџи груп“ соопшти дека екипите на Дистрибуција со топлина веќе се на терен и интензивно работат на санација на дефектот и воспоставување режим на редовна испорака на топлинска енергија до сите потрошувачи.
– Поради големината на дефектот, во овој момент невозможно е да се даде прецизна проценка кога тој ќе биде отстранет, но се прават напори редовното снабдување со топлина до сите потрошувачи да биде воспоставено во најкраток можен временски рок, се вели во соопштението од БЕГ.
За дополнителни информации, потрошувачите можат да се јават во Центарот за грижа на потрошувачи на тел: (02) 3076 200.