До 1 часот по полноќ, членовите на училишниот одбор на ОУ „11 Октомври“ се расправале за состојбите во ова училиште.
Средбата е закажана по шест дена од труењето на децата и откако градоначалникот на општина Центар, Андреј Жерновски упати барање до одборот да расправа за катастрофалната состојба во училиштето и училишниот одбор да ги преземе сите неопходни мерки за да ја разреши ситуацијата, меѓу кои да биде разрешена и директорката Даниела Костадинова.
Родителите се револтирани од хигиената во училиштето и прашале како можела да исчезна па да се појави излезната книга за фактури на училиштето.
Седницата е прекината без епилог иако дел од родителите инсистираат на конечно решение.
Жерновски вчера со заклучок од советот на општина Центар е задолжен да ја утврди одговорноста на директорката и да ги преземе неопходните чекори.