Студенскиот парламент на универзитетот „Св. Кирил и Методиј“ во соработка со Вип Македонија ќе постави осум уреди за бесплатен пристап на интернет.
Уредите, како што информира денеска Студенскиот парламент, почетно ќе бидат поставени во реновираната читална во студентскиот дом „Гоце Делчев“ и распоредени во три кампуси на територијата на Скопје.
– Со овој чекор се бориме студентите во Македонија да ги изедначиме со европските студенти. А со тоа да им го олесниме нивниот образовен процес и да помогнеме во градењето младина која е движечка сила на ова наше општество. Продолжуваме понатаму, далеку од деструктивизмот, безрезервно вклучувајќи се во градење профил на студент од европски размери, се наведува во соопштението од Студенскиот парламент.