Од денеска сите повозрасни граѓани со навршени 62 години за жени и 64 години за мажи ќе имаат можност бесплатно да се возат во автобусите на Јавното сообраќајно претпријатие „Скопје“ и во недела. Потребно ќе биде само да ја покажат личната карта.
Одлуката ја донесе Советот на Град Скопје на седницата одржана на 19 февруари годинава, но со одложена примена до завршувањето на претседателските и парламентарните избори.
Повозрасните граѓани досега имаа можност бесплатно да се возат во автобусите на ЈСП „Скопје“ во вторник, петок и сабота.
– Одлуката за бесплатен превоз и во недела, не само што ќе им биде од корист на повозрасните граѓани, туку и ќе го намали метежот во автобусите на ЈСП „Скопје“ во текот на работните денови, информира Град Скопје.