Актуелниот министер за одбрана Фатмир Бесими би можел да ја наследи Теута Арифи на местото вицепремиер задолжен за европски прашања.
Според електронското издание на магазинот Република министрите на ДУИ кои се кандидираат за градоначалници треба да си поднесат оставки, а меѓу нив е и Арифи како кандидат за градоначалник на Тетово.
Република, повикувајќи се на неофицијални извори пишува дека водењето на евроинтегративните процеси по заминувањето на Арифи ќе ги преземе Бесими.
Освен Бесими, во политичките кругови се спомнува името на пратеничката Ермира Мехмети, сепак таа бара место на дипломат и тешко би се снашла во таква улога.
Најмала е веројатноста со евроинтеграциите, да раководи Артан Груби, шефот на кабинетот на лидерот на ДУИ, Али Ахмети.