Македонскиот министер за одбрана Фатмир Бесими денеска во Сараево ќе ја посети македонската армија во составот на мировната мисија на ЕУФОР – Алтеа и ќе се сретне со началникот на Генералштабот на ЕУФОР, генералот Ерн Питер Сипос.
Бесими за време на состанокот ќе ја нагласи важноста на секој член на македонската армија во служба на воспоставување на демократските вредности, мирот и еднаквоста во светот, што е од големо значење за Македонија, но и за регионот и пошироко.
По состанокот, македонскиот министер за одбрана ќе положи венец на споменикот во Бутмир и ќе им оддаде почит на загинатите припадници од македонскиот тим во хеликоптерска несреќа во близина на катлановско Блаце во 2008 година.
Во оваа хелихоптерска несреќа на 12-ти јануари 2008 година загинаа 11 македонски војници и старешини по враќањето од мисијата „Алтеа“ од Босна.