Реализација на веќе почнатите и почнување нови за унапредување на животот на жителите во општина Кисела Вода најави денеска кандидатот за градоначалник на ВМРО-ДПМНЕ за оваа општина Билјана Беличанец-Алексиќ.
– Како жител на Кисела Вода се обврзувам пред граѓаните да им го понудам она што навистина го заслужуваат. Општината, која е една од најстарите и најголеми општини во Скопје, заслужува да е во чекор со времето и конечно да стане модернизирана и урбана средина, рече денеска Беличанец- Алексиќ пред жителите во Кисела Вода.
Меѓу проектите го спомена довршувањето на булеварот „Борис Трајковски“, подобрување на водоводниот систем, канализациската и атмосферската мрежа, изградба на културен центар, изградба и реконструкции на спортски терени, градинки и училишта.