Беким Сали е новиот министер за здравство

Од:

Беким Сали од Алтернатива ја презеде функцијата министер за здравство од Венко Филипче. Вети дека ќе направи се’ што е во негова моќ, со цел здравствениот систем да биде што помалку ранлив, а што повеќе издржлив на предизвиците со кои се соочуваме, но и оние коишто допрва следат.

dobivaj vesti na viber

Како што рече, приоритети во неговата работа како министер ќе бидат превенцијата и еднаквиот пристап до квалитетни здравствени услуги, зголемувањето и зајакнувањето на капацитетите во здравствениот систем, како и координацијата и доследноста во унапредувањето и спроведувањето на работните политики. Покрај тоа, вели Сали, „бескомпромисно ќе се залагам за подобрување на статусот и условите во коишто функционираат здравствените работници и медицинскиот персонал“.

Истакна дека во ниту еден момент не смее да се заборави дека зад секоја статистика се наоѓаат граѓаните, коишто се најдиректно засегнати од она што се случува во здравството.

Ексминистерот за здравство, Венко Филипче, му посака успех и среќа во извршувањето на функцијата.

„Верувам дека ќе одговори на предизвиците кои ги наметна ковид пандемијата, но и на останатите сегменти од здравството. Верувам дека и во негов фокус ќе бидат грижата за пациентите, здравствените работници и транспарентноста кон медиумите“, наведе Филипче.

Досегашниот министер за здравство, претходно го сумира своето работење во изминатите четири години и рече дека продолжува да работи во интерес на пациентите и здравствените работници.

Би можело да ве интересира

Од утре почнува бесплатната вакцинацијата против сезонски грип

Ана Ололовска

Пристигнаа вакцините против сезонски грип, вакцинацијата почнува следната недела 

Ана Ололовска

Пациентите со ретки болести цел месец без лекови, чекаат да завршат роковите за жалби на тендерот

Орце Костов

Препораки за заштита на здравјето на населението од високите температури

Ана Ололовска

Касарната „Илинден“ е можна локација за новиот клинички центар, има политичка усогласеност за реализирање на проектот

Маја Илиевска-Пачемска

Матичните лекари од цела Македонија утре на штрајк пред Министерство за здравство: Ова е нашиот последен крик за спас

Маја Илиевска-Пачемска