Новоизбраниот градоначалник на Гостивар, Невзат Бејта денеска официјално ја преземе новата функција.
Заблагодарувајќи се на поддршката од граѓаните, Бејта истакна дека Гостивар влегува во нова ера на развој.
– Сите предизборни ветувања ќе бидат реализирани и гостиварци конечно ќе добијат чиста вода за пиење, модерни улици и училишта. На граѓаните кои претходно не можеа да си ги легализираат своите градби, тоа од денес ќе им биде овозможено, изјави Бејта.
На примопредавањето на функцијата не присуствуваше досегашниот градоначалник Руфи Османи.
Пред седиштето на општината новоизбраниот градоначалник го поздравија над илјада граѓани.