Џес Бејли, амбасадорот на САД во Македонија, на својот твитер профил изрази загриженост поради неможноста на политичките лидери да постигнат договор заа спроведувањето на договорот од Пржино.
„Длабоко сум загрижен поради неможноста на лидерите да постигнат договор. Договорот од Пржино е начин за да се обезбеди одговорност и да се подобрат условите за слободни и фер избори и да и се стави крај на политичката криза. Потребна е политичка волја за справување со преостанатите прашања“напиша Бејли на својот твитер профил.
Тој ги повика политичките лидери да покажат лидерство.
„Не може други да носат одлуки за македонските лидери“, напиша амбасадорот на САД.
Истата порака, по пропаѓањето на преговорите ја искажа и еврокомесарот за соседска политика и пристапни преговори, Јоханес Хан.
