Министерите за правда и за внатрешни работи Блерим Беџети и Гордана Јанкулоска од денеска учествуваат на неформалниот состанок на министрите за правда и за внатрешни работи на ЕУ, како и од земји кандидати за членство во Унијата што се одржува во Даблин, Република Ирска, во рамки на ирското Претседателство со Советот на ЕУ.
Целта на неформалниот состанок е актуелизирање на приоритетите во областите правда и внатрешни работи, како и дискусија за најважните прашања.
Меѓу теми за кои ќе стане збор се организраниот криминал и неговите импликации врз националната безбедност, особено од аспект на економските штети и последици. Според соопштението од МВР, предвидено е свое обраќање на форумот да има и министерката Јанкулоска.
На состанокот е најавено учество на министри за правда од земјите членки на ЕУ, еврокомесари, претставници од агенциите на Унијата и од останати меѓународни организации.
