Во рамки на програмите за развој на спортот кај младите со посебни потреби, Спортскиот центар „Борис Трајковски“ ги отвори вратите од базенот за оваа категорија лица, кои секој ден во терминот од 16 до 17 часот ќе можат да доаѓаат на пливање.
Освен бесплатното користење на базенот, СЦБТ обезбеди тренери кои помагаат во специјално адаптираните тренинзите со овие деца.
Програмата се однесува на директен контакт со лицата со посебни потреби, а се врши и едукација на родителите се со цел по завршување на курсот родителите да ги заменат тренерите.
Целта е да се излезе во пресрет на повеќе семејства, да се обучат што повеќе родители и да се работи со повеќе лица со посебни потреби.
За овој проект се ангажирани најдобрите тренери кои се предводени од проф. д-р Наташа Мешковска.
Идејата е преку спортски вежби на децата со различни ментални и физички попречености да им се овозможи полесен и побрз напредок, но и чекор напред кон нормалното функционирање.
Овој проект се реализира заедно со здружението „Дајте ни крилја“.