Дипломатот од кариера и директор на Директоратот за регионот на Балканот во албанското Министертво за надвроешни работи, проф. д-р Башким Рама е наименуван за нов амбасадор на Албанија во Македонија.
Како што јави дописникот на МИА, Рама има богата дипломатска кариера. Тој бил директор на Академијата за дипломатија, професор по меѓународни односи, геополитика и дипломатија и по дипломатска теорија и практика на неколку универзитети во регионот, а бил ректор и на Меѓународниот универзитет во Струга. Башким Рама бил амбасадор на Албанија во Бугарија, Германија и Косово.
Тој доаѓа на местото на Петрит Бушати, кој за амбасадор во Скопје дојде во мај 2014, а почина истата година во ноември.
Преходно, Министертвото за надвроешни работи на Албанија за нов амбасадор го предложи Фатос Река, кој доби подршка и од парламентарната Комисија за надвроешна политика, но указот за тоа одби да го потпише претседателот Бујар Нишани.
Новиот албански амбасадор, според албанските медиуми, во Скопје треба да дојде во наредните два дена.