Владата не се откажува од новиот неокласицистички изглед на зградата.
Ова ќе се реализира наредната година. Објавен е оглас оглас за избор на градежна компанија што ќе ја реконструира и осветли зградата на Владата.
Избраниот на огласот за една година ќе треба да го реализира зацртаното во идејното решение на Жарко Чаушевски и Филип Богатинов.
Градот Скопје и Општина Центар во изминатиов период ја ослободија надлежната владина служба од наплата на комуналии за реконструкција на фасадата и проширување на објектот, чија висина е 206.800 евра. На ова опозицијата се спротивстави, но одлуката беше донесена.
Колку ќе чини новиот барокен изглед и колку ќе се зафати од државната каса не се знае.
Од понудените решенија, граѓаните, како што беше објавено, одбраа ваков изглед на зградата на Владата. Дел од архитектите негодуваа, а и аворот на сегашниот проект Петар Муличковски не се согласи, и смета дека му се прекршуваат авторските права што ги поседува врз архитектонското решение.