Локалната самоуправа во Охрид најверојатно спрема нови систематизации во јавните претпријатија, дознава А1ОН од извори во Општина Охрид. Со тоа, како што дознаваме планирано е да се намали и вредноста на бодовите, што практично би значело намалување и на платите на работниците, посебно на административците во тие претпријатија.
Од Одделението за односи со јавност во Општина Охрид не сакаа да одговорат на прашањата на А1ОН за тоа дали се спремаат нови систематизации и дали ќе се намалува вредноста на бодовите. Проблемот со превработеноста во јавните претпријатија во Охрид, Бакрачески очигледно сака да го решава со намалување на платите, а секојдневно се вработуваат нови партиски послушници.
Ова е со спротивност на политиките на премиерот Груевски и Владата на Република Македонија кои пропагираат зголемување на платите во администрацијата. Охриѓани незадоволни од работењето на новата локална власт коментираат дека ништо не е променето во работата на градот. Промените кои се ветуваа во изборната кампања на претходните локални избори се уште не се пристигнати во Охрид.
Ф.Ј.