80-годишен австриски државјанин загинал вчера на патот кон Попова Шапка.
Според информациите од МВР, Австриецот управувал возило со австриски регистарски таблички. Излетал од патот и од здобиените повреди починал.
„ Вчера околу 17.20 часот во СВР Тетово било пријавено дека на регионален пат Тетово – Попова Шапка, патничко моторно возило „рено меган” со австриски национални ознаки, управувано од Е.В.(80) од Австрија, излетало од патот. Во несреќата, од здобиените повреди починал возачот.“ се вели во соопштението на МВР
Лекар од Итна медицинска помош констатирал смрт, а увид на местото извршиле јавен обвинител и увидна екипа од СВР Тетово.
