Патнички автобус кој се движел на релација од Скопје кон Тетово попладнево, околу 17 часот излетал од автопатот и се превртел во провалија.
Според информации од МВР, автобусот се превртел во близина на селото Ласкарци во општина Сарај.
Неофицијално, во несреќата се повредени повеќе патници, кои се пренесуваат во скопските болници. По превртувањето, околу 50 патници останале заклучени во автобусот и чекале да интервенираат спасувачките тимови.
Досега се ангажирани три амбулантни возила и неколку полициски тимови и приватен багер.
Полициски патроли го блокирале и обезбедиле местото на несреќата, а медицински екипи во Скопје се мобилизираат за да им пружат прва помош на повредените.
Според очевидци, причина за несреќата била експлозија на една од автобуските гуми.