Автобус со патници излетал од коловозот на патот Берово-Виница, во близина на влезот од Виница. Досега не се пријавени повредени патници.
Полицијата информира дека причинета е помала материјална штета, а причините за несреќата се утврдуваат.
Според првичните информации, несреќата ја предизвикал автомобил кој излегувал од бензинската пумпа „Елго“, кај местото викано Липечко поле, по што автобусот кој се движел од спротивна страна во обид да избегне судир со автомобилот излетал од коловозот, навалувајќи се во нивите до патот.
Сообраќајот на патот е регулиран од полициски службеници и нема застој.
