Во рамките на „Денови на општина Карпош“, денеска се одигра финалето во фудбалскиот куп организиран по повод роденденот на Општината 3 Ноември.
Екипата на ООУ „Аврам Писевски“ ги совлада своите ривали од ООУ„Лазо Трповски “ со резултат од 3:0.
Финалниот натпревар беше интересен за публиката поради квалитетната игра што ја понудија фудбалерите од двете екипи, а тимот на ООУ „Аврам Писевски“ имаше повеќе шанси за да ја зголеми разликата во конечниот резултат.
Победничкиот пехар на младите фудбалери им ги додели претседателот на Советот на Општината, Сашо Лазаровски.