Во раните утрински часови, утре вторпат во Гевгелија, а третпат во Дојран годинава ќе се изврши авионско прскање против комарци.
– Аеросолната адултицидна дезинсекција ќе се изврши со квалитетен широкопојасен инсектицид, кој се употребува во овој период од годината. На територијата на општина Гевгелија ќе биде третирана површина од 1.000 хектари, а во општина Дојран против комарци ќе се прска на површина од 600 хектари, информираат општините Гевгелија и Дојран.
За време на прскањето, на граѓаните им се препорачува да ги држат затворени прозорците и вратите од домовите од три до четири часа по прскањето, а на пчеларите им се советува да ги преземат сите мерки за заштита на пчелните семејства.