Два километри над селото Кожле, катлановско е пронајден паднатиот авион кој изгуби контакт со кулата во Скопје.
Медиумските екипи се сопрени од полицијата на километар пред селото и најверојатно до утре нема да биде дозволен приод до местото на несреќата.
Во авионот имало шест патници од кои четворица биле од Италија и двајца од Косово каде била и крајната дестинација на летот.
Во несреќата загинале сите шест патници чиј идентитет не е утврден.
Авионот бил приватен со германски национални ознаки, од типот „Пајпер Па 34-200 Т Сенека“. Полетал од Тревизо, Италија, а крајната дестинација му била Приштина. Над Македонија требало да изврши прелет и бил пријавен на аеродромот „Александар Велики“-Скопје за дополнување гориво.
Исчезнувањето на авионот од радарот денеска попладне во 17.40 часот во МВР го пријавила Контролата на летање на скопскиот аеродром.
За настанот е информиран Јавен обвинител и Комитетот за истражување авионски несреќи.