Еден од основачите на македонскиот клуб во Благоеврад, Атанас Мазнов на отворањето на „Никола Вапцаров“ рече дека целта не биле провокации, туку градење на мостови меѓу македонскиот и бугарскио народ и нови културни пространства какви пшто им оставил во аманет Гоце Делчев.
– Добредојдовте драги гости, вие сте во нашиот клуб кој го носи името на неповторливиот и бесмртен поет Никола Вапцаров. Нашиот клуб е ранет. Една буква поправивме, но гледате дека фали друга буква. Сакам да изразам благодарност кон нашите браќа од Канада и до Меѓународната организација за заштита на правата на Македонците.
Голема благодарност до сите Македонци од Пиринска Македонија кои ни дадоа сила ова да се случи.
Благодарност и до Раде Силјан кој објави дека ќе подари 300 тома литература за нашиот клуб, тоа за наше богатство.
Цел не беше отворањето на клубот, туку вашето присуство и духот кој не држи ние да се чувствуваме и да работиме за македонската идеја. Тука имаме Македонци од четири држави, имаме поздрави од Америка и Европа.
Сакаме да објавиме дека ова е сеопшт македонски собир. Сакаме да изградиме мост меѓу двата народи, ново културно пространство, тоа ни го остави во аманет Гоце Делчев, порача Мазнов.