Општина Кисела Вода денеска започна со акција за крпење на ударните дупки во 14 месни и урбани заедници. Со четири оперативни групи ќе се дејствува паралелно на сите реони низ Општината.
– На оваа акција и претходеше акција на снимање и детектирање на овие дупки и дојдовме до заклучок дека ќе бидат потребни 900 квадратни метри асфалт, изјави градоначалничката на Кисела Вода, Билјана Беличанец-Алексиќ.
Акцијата ќе трае во наредните 15 дена, за што Општината ќе издвои два милиони денари.