„Конечно ќе се санира канализацијата во Општина Арачиново“, се пофали првиот вицепремиер на владата, Артан Груби на својот профил на Фејсбук.
Тој објави дека на владината седница која се одржа денеска била изгласана одлука за спроведување на постапката за јавна набавка за санација на каналот за отпадни води во оваа општина. За оваа намена владата ќе издвои 1,1 милиони евра.
„Исклучително важна инвестиција вредна околу 66 милиони денари во служба на квалитетен живот на жителите на Арачиново. Исто така, денеска ја усвоивме информацијата од Министерството за земјоделство за обесштетување на штетите на земјоделците од поплавите во 2016, 2017 и 2018 година кои изнесуваат вкупно 10% од претрпените штети. Наскоро ќе започне процесот на исплата на планираните средства“, објави Груби.