Портпаролот на ВМРО-ДПМНЕ, Димче Арсовски, денеска како претставник на опозициската партија учествуваше во извлекувањето на жрепката во ДИК во однос на редниот број на претседателските кандидати на гласачкото ливче.
Арсковски го извлече редниот бројот 2 за Гордана Силјановска – кандидатката која ја поддржа неговата партија. Портпаролот потоа истакна дека овој број симболично ја означува победата на Силјановска и во двата круга.
Тој најави дека од денес престануваат сите активности на претседателскиот кандидат до 1 април и обвини дека власта не го почитува тоа односно дека од таму и утринава продолжиле со интернет активности.
Арсовски вели дека се надева дека власта ја научила лекцијата за фер и демократски услови за кампања што, според него, не било случај за референдумот.
Инаку, денешната жрепка во ДИК одреди претседателските кандидати на гласачките ливчиња да бидат испишани по следниов редослед: 1. Блерим Река; 2. Гордана Силјановска; 3. Стево Пендаровски.
Галена Николовска-Ризвановиќ