Вицепремиерот за европски прашања Теута Арифи по средбата со албанската колешка Мајлинда Брегу изјави дека евроинеграциите на Македонија зависат само од граѓаните на државата.
– Кога регионот ќе стигне до крајната дестинација зависи од нашиот капацитет за спроведување на европските стандарди кои се дел од нашето национално законодавство, која го опфаќа владеењето на правото, борбата против корупцијата и организираниот криминал, почитувањето на човековите права и слободи, одржливата регионална соработка, економските реформи, развојот на силен невладин сектор и одговорни влади кои им служат на интересите на своите граѓани, изјави Арифи.