Членството во ЕУ останува стратешки приоритет на земјата и во таа насока ќе се продолжи со спроведувањето на неопходните реформи, истакна заменик претседателот на Владата на Република Македонија задолжен за европски прашања Теута Арифи на денешната средба во Владата со амбасадорот на Ирска Оливер Гроган.
Како што соопшти прес службата на СЕП, на средбата Арифи се осврна конкретно на активностите кои што се поврзани со акцискиот план за исполнување на обврските од Пристапниот дијалог на високо ниво, со што Македонија отвори една нова страница во насока на приближување на земјата кон ЕУ.
Амбасадорот Гроган ја поздрави посветеноста на државните институции во процесот на европска интеграција и истакна дека е неопходно да се задржи позитивниот пристап, со цел Македонија повторно да добие позитивни оценки во пролетниот извештај на Европската комисија. Тој исто така нагласи дека Ирска како претседавач во ЕУ ја поддржува политиката на проширување и интеграцијата на Македонија во ЕУ.