Арбен Таравари – министер за здравство

Од:

Новиот министер за здравство Арбен Таравари е роден на 7 април 1973 година во Гостивар.

Дипломирал на Медицински Факултет при Универзитетот „Св. Кирил и Методиј“ во 1998 година. Постдипломски студии, специјализација по неврологија, завршил во 2006 година во Универзитетската Клиника за неврологија. Специјализирал семејна медицина во 2011 година на Медицински Факултет при Универзитет „Св. Кирил и Методиј“, а докторирал на тема „Клинички знаци и генетика на паркинсон“ на истиот факултет.

Од мај годинава е виш научен соработник по предметот неврологија на Универзитетската Клиника за неврологија.

Во 2016 година бил претседател на Борд, Оддел на екстрапирамидални болести на Универзитетска Клиника за неврологија и Оддел за мигрени, главоболки и други болни синдроми. Во 2010 година бил едукатор/ментор за специјализации по семејна медицина на Медицинскиот факултет при Универзитет „Св. Кирил и Методиј“.

Во 2009 година бил член на одбор на Меѓународно медицинско списание Медикус, а од 2008 до 2012 година член на одбор во Mедицинското списание Vox Medici. Од 2008 до 2012 година бил претседател на одбор на Универзитетска Клиника за неврологија, од 2005 до 2006 година бил обучувач во проект за континуирана медицинска едукација, а во 2005 година завршил еднодневни курсеви за доктори по медицина.

Завршил средно медицински училиште „Панче Караѓозов“ во Скопје, а од 2002 до 2003 година бил професор по микробиологија и невропсихијатрија.

Објавил повеќе книги и научни трудови меѓу кои: „Мигрени, главоболки и болни синдроми“ (2016), „Практикум по неврологија“ (2014), Клинички и генетски наоди кај болни со идиопатска Паркинсонова болест докторска дисертација (2011), Клиничко-епидемиолошка студија на паркинсонизмот во Скопје: магистерски труд (2006), Фармако тераписки прирачник (2006)…

Говори албански, македонски, турски, англиски и српски јазик. Оженет е и татко на две деца.

Би можело да ве интересира

Лекарите од Клиниката за ортопедија за првпат пресадија коскено ткиво од починат дарител

Жарко Настоски

„Вакцините нè доближуваат“ – Европска недела на имунизација

Ана Ололовска

Филипче: Близу 20 000 жени добија пристап до примарна гинеколошка здравствена заштита во отворената ординација во Шуто Оризари

Ана Ололовска

На раце или на грб ги качуваат пациентите по скали во „8 Септември“, расипани лифтовите во поликлиниката

Маја Илиевска-Пачемска

Најдено е трајно решение за матичен лекар во Шуто Оризари, тврди Министерството за здравство

Жарко Настоски

МЛД ги објави добитниците на наградата „Трифун Пановски“

Ана Ололовска