Четири маскирани лица нападнале и ограбиле 26-годишен жител на село Арачиново, завчера вечерта, во парк шумата во скопска Гази Баба.
Б.Н (26) вчера попладне во Полициската станица Гази Баба пријавил дека завчера околу 21 часот додека се движел во парк шумата во Гази Баба му било извршено разбојништо од четири непознати маскирани лица. Напаѓачите го застанале и еден од нив го удрил со боксирач во пределот на главата, а друг го фатил за ремен и го влечел по земја, по што паднал во бессознание. Кога се освестил забележал дека од џебот од фармерките му го нема паричникот во кој имало 600 евра и 3.000 денари, информира Министерството за внатрешни работи во редовниот дневен Билтен.
Се преземаат мерки за пронаоѓање на лицата.