Татко и петмина членови на семејство од скопско Арачиново во средата попладне тргнале во кумановско Никуштак да си ја побараат ќерката на 19 годишна возраст која заминала бегалка да живее кај своето момче.
Но разговорот меѓу несудените сватови кратко траел. Започнале расправија која кулминирала со тепачка и со неколку испукани куршуми во воздухот.
За среќа никој не бил повреден. Сватовите од Арачиново искршиле неколку стакла во куќата на момчето во Никуштак и заминале. Од СВР Куманово информираат дека извршиле увид на местото на настанот и дека преземаат мерки за целосно расчистување и документирање на случајот.