Апелациониот суд го укина куќниот притвор на битолскиот градоначалник Владимир Талески
Против осомничениот се определува мерка на претпазливост, тој има обврска да се јавува секој работен понеделник и работен петок кај овластено службено лице во Основниот суд во Битола.
Владимир Талески, градоначалник на Општина Битола во Апелациониот суд
Апелациониот суд Скопје попладнево достави решение со кое жалбата на градоначалникот на Општина Битола, Владимир Талески, кој е дел од предметот на Специјалното јавно обвинителство „Транспортер“, се уважува, а решението на Кривичниот совет на Одделението за организиран криминал и корупција при Основен суд Скопје 1 – Скопје се преиначува и со тоа мерката куќен притвор се укинува.
Во петокот СЈО поднесе ново барање за продолжување на куќниот притвор на Талески.
Талески е осомничен за злоупотреба на службената положба и овластување поради незаконско организирање на училишниот превоз во Битола.