Откако лидерот на ВМРО-ДПМНЕ, Христијан Мицкоски, во интервју за „Макфакс“, рече дека ги продал уделите од седум проценти во компанијата што поседува хидроцентрали, од Државната комисија за спречување на корупцијата за „А1он“ потврдија дека постапките и покрај продажбата ќе продожат.
„Предметите се доработуваат. Се гледа каква била постапката тогаш“, велат од ДКСК. Од Комисијата не прецезираа кога очекуваат да заврши постапувањето по предметите. Мицкоски сè уште не бил повикан во антикорупциската, но очекуваат и тоа да се случи.
Антикорупционерите во мај годинава отворија два предмети поврзани со претседателот на ВМРО-ДПМНЕ, Христијан Мицкоски за да испитаат како тој се стекнал со земјиште од 33.000 квадратни метри и како добил концеција за изградба на хидроцентрали додека бил директор на ЕЛЕМ и советник на поранешниот премиер, Никола Груевски.
Предметите во ДКСК беа отворени по допрен глас.
