Во однос на отворените предмети за непотизам, претседателката на ДКСК, Билјана Ивановска, рече дека два случаи се затворени.
Станува збор за ќерката на пратеничката Емилија Александрова во Фондот за иновации, за што констатирале дека таа не конкурирала воопшто и не се вработила таму, како и за сопругата на градоначалникот на Берово, која работела и претходно во училиштето, пред сопругот да биде избран за градоначалник.
За ќерката на Талат Џафери, велат дека се бараат дополнителни информации, како и за другите предмети. Нов предмет по сопствена иницијатива отвораат и за корупција во политиката, односно за вработување на двајца правници во АВМУ, за време на изборен процес.
Галена Николовска Ризвановиќ