Антикорупциската комисија отвори предмет за докторката Ирина Пановска-Ставридис в.д. директорка на Клиника за хематологија за можно местење на тендери во корист на веледрогеријата „Пановски“ во сопственост на нејзиниот татко.
Антикорупционерите ќе испитуваат и како Пановска-Ставридис унапредувала лекари во раководители на оддел.
Пријавата до ДКСК ја доставиле анонимни граѓани и група загрижени лекари.
Во пријавата било наведено и дека во унапредувањето на лекарите Соња Трајковкса и Мартин Ивановски имала поддршка од министрите за одбрана и за здравство, Радмила Шекеринска и Венко Филипче.
За Пановска ќе се проверува и дали доставила анкетен лист од второто назначување за в.д. директор.
Галена Николовска-Ризвановиќ