Онлајн анкета на истражувачкиот центар на Макфакс покажува дека граѓаните сметаат дека најзаслужен за создавање на македонската држава е Тито.
Од 2908 анкетирани кои се приклучиле на гласањето, на прашањето „Кој е најзаслужен за создавањето на македонската држава“, 56% одговориле Тито. За Гоце Делчев гласале 18,5 проценти, за Методија Андонов Ченто 14,5%, а за Киро Глигоров 11 проценти од гласачите.
Од 2908 што учествувале во анкетата, 45,8 проценти се жени, а 54,2 проценти се мажи.
Во однос на возраста, 11,5 проценти гласале кои имаат од 18 до 24 години, 20 проценти се од 25 до 34 години, најголемата група која гласала е на возраст од 35 до 44 години односно 23,3 проценти. 16,7% се на возраст од 45 до 54 години, 18,8 % од 55 до 64 години, и 9,7 % над 65 години.
Најголем број гласови има од Македонија, односно 83,9 %. Анкетата беше спроведена на 14 веб страници во траење од 24 часа, односно од 13 декември во 14 часот до 14 декември во 14 часот.